Anjelus, amzer ordinal hag amzer Pask - temps ordinaire et temps pascal
An Añjelus
Ni ho salud gant karantez
Rouanez ar sent hag an aelez,
C’hwi a zo benniget, O pia !
Hag a c’hrasoù karget, Ave Maria !
Ra vezo benniget Jezuz,
Ar frouezh eus ho korf evurus
Kanomp gant an aelez, O pia !
E veuleudi bemdez, Ave Maria !
Ni ho ped, Maria, gwerc’hez c’hlan,
Pa vezimp war hon tremenvan,
Da c’houlenn ouzh Jezuz, O pia !
Deomp ur maro eurus, Ave Maria !
Bezit laouen evit atav
Rouanez bro an Neñvoù !
Lavarit buan kenavo
D'an drubuilh ha d'an daeloù :
Jezuz, ho mab, n'eo mui marv
Kanomp e veuleudioù !
Alleluia, alleluia, alleluia, alleluia
Alleluia ! Pebezh joa
Deoc'h-c'hwi, Mamm a garantez
Deomp-ni ivez, Alleluia !
Pebezh laouenidigezh
E welet goude hor prenañ
Adarre leun a vuhez !
Alleluia, alleluia,
alleluia, alleluia
Ya, Gwerc'hez sakr, bezit joaus
Rak Jezuz, ho mab karet,
Zo savet bev hag eürus
Evel m'en doa lavaret
Grit, ni ho ped, Mamm druezus,
Ma vimp gantañ selaouet
Alleluia, alleluia, alleluia, alleluia
O va Doue, dre ho Mab kêr,
Da viken bev ha skedus
Ho peus karget ar bed pec'her
A levenez dudius
Grit, dre Vari, e vamm dener,
Ma'z aimp d'ar vuhez padus
Alleluia, alleluia, alleluia, alleluia
Pour écouter, rendez-vous ici.