27 octobre 2014
Da feiz hon tadoù kozh
Da feiz hon tadoù kozh, ni paotred Breizh-Izel, ni ‘zalc’ho mat atav ;
‘Vit feiz hon tadoù kozh, hag en-dro d’he banniel, ni holl en em stardo,
Feiz karet hon tadoù, morse ni n’ho nac’ho ; kentoc’h ni a varvo (Teir gwech)
- 1. D’ar c’hrouadur bihan, e kichenig e gavell,
E lakait ur vamm vat, en deiz evel en noz.
Er boan hag en anken, hi a daol buan ur sell
War groaz santel Jezuz he soñj er baradoz.
- 2. Dougennet ‘neus da boan, da Zoue madelezhuz,
Desket ‘neus dit an hent a gas d’ar wir vuhez,
Devet en eus en tan da druilhoù ken truezus,
Gant dour ar Vadeziant,’peus gwisket karantez.
- 3. Aozet en eus ar pred, bara ha gwin e vuhez,
‘Vit terriñ dit da naon, bezañ ganit bepred ;
Rannet ‘neus e vadoù, evit skuilhañ levenez,
Digeriñ da galon ha mont war-zu ar bed.
- 4. Un deiz ‘teuio ar peoc’h, pa deuzo er sklerijenn,
Teñvalijenn an noz, ha skorn ar vuhez gozh ;
Savet eo da Zalver, outañ e teu ‘n eienenn
A zach peb den d’an Tad, betek er baradoz.
Publicité
Commentaires