Enor ha gloar ! Honneur et gloire !
Enor ha gloar
Enor ha gloar, da virviken,
Da Jezus-Krist Doue ha den,
Roue ha Tad e groadurien.
Gwejal e vrec’h ol-c’halloudus
A hadas ar steret lintrus,
Tro-war-dro d’e dron peurbadus.
2. Hen a n-euz krouet an Elet,
Koantoc’h evit heol ha steret,
D’he zerviji ha cPhon miret.
3. Gant eur gomz hepken e lakas
An dour da vont kuit er mor braz
Dizec’h an douar a chomas.
4. War ar parkou noaz ha hudur
Kenkent e ledas ar glazur,
Bleuniou ’n e douez ha magadur.
5. An den ive zo gret gantan,
Kement hon euz a zo dezan,
Kouls er bed-al hag er bed-man...
6. En deiz ar varn hen a henjo
Hag a draillo vel ma karo
Heol ha steret, bev ha maro.
7. O pegen krenv dorn hon Roue !....
Krenvoc’h a gavan koulskoude,
Pa zonjan en e garante !
8. Disken en eur c’hraou evidomp,
Bevan paour ha zempl eveldomp,
Gant e vouez kelen ac’hanomp !
9. Mervel er groaz war ar C’halvar
Evit bugale ken digar
Stag o c’halon ouz an douar !
10. Chom noz ha de war an oter
Dindan spesou mud ha dister,
Aoun da spontan an den pec’her !
11. Ha warlerc’h eun neubet poaniou,
Skanveit dre gement a c’hrasou,
Digor d’imp c’hoaz dor an Envou !
12. Mari, e Vam hag hon Mam vad,
Deut genimp da drusarekat
Jezus hon Roue hag hon Tad.
Me ‘vo fidel deoc’h, Jezuz !